ഇന്ത്യന്‍ ജഴ്‌സിയില്‍ 100ാം മത്സരത്തിനിറങ്ങിയ നായകന്‍ സുനില്‍ ഛേത്രിയുടെ മികവില്‍ ഇന്റര്‍കോണ്ടിനന്റല്‍ കപ്പില്‍ കെനിയക്കെതിരെ ഇന്ത്യക്ക് തകര്‍പ്പന്‍ ജയം. എതിരില്ലാത്ത മൂന്നു ഗോളുകള്‍ക്കാണ് കരുത്തരായ കെനിയയെ ഇന്ത്യ തോല്‍പിച്ചത്. ഛേത്രി ഇരുവട്ടം വലകുലുക്കിയപ്പോള്‍ ജെജെയുടെ വകയായിരുന്നു മറ്റൊരു ഗോള്‍.
67ാം മിനുറ്റില്‍ ലഭിച്ച പെനല്‍റ്റിയാണ് ഛേത്രി ഗോളാക്കി മാറ്റിയത്. ഛേത്രിയെ വീഴ്ത്തിയതിനാണ് പെനല്‍റ്റി വിധിച്ചത്. പിഴവൊന്നും വരുത്താതെ പന്ത് വലക്കുള്ളില്‍. ഛേത്രിയുടെ 60ാം അന്താരാഷ്ട്ര ഗോളായിരുന്നു. തൊട്ടടുത്ത് 71ാം മിനുറ്റില്‍ ജെജെ ലീഡ് രണ്ടാക്കി. ബോക്‌സിനുള്ളില്‍ ബുള്ളറ്റ് കണക്കെയുള്ള ഷോട്ടിലൂടെയായിരുന്നു ജെജെയുടെ ഗോള്‍. രണ്ടാം പകുതിയുടെ ഇഞ്ച്വറി ടൈമിലായിരുന്നു ഛേത്രിയുടെ രണ്ടാം ഗോളും ഇന്ത്യയുടെ മൂന്നാമത്തേതും.
ആദ്യ മത്സരത്തില്‍ ചൈനീസ് തായ്‌പേയിയെ ഇന്ത്യ എതിരില്ലാത്ത അഞ്ച് ഗോളുകള്‍ക്കായിരുന്നു തോല്‍പിച്ചത്. ആ മത്സരത്തില്‍ ഛേത്രി ഹാട്രിക്ക് നേടിയിരുന്നു.
watch highlights
:
CLICK HERE TO SUBSCRIBE OUR YOUTUBE CHANNEL
No comments:
Post a Comment